SOCIALIZAÇÃO PROGRAMA TO’OS BA MORIS DIAK (TOMAK) 2a FASE
Baucau_DMCS. Cáritas Diocesana de Baucau nebe sai hanesan parceiro estratégico ho CRS iha Timor leste, iha dia 8 de Fevereiro realiza socialização ba Programa To’os ba Moris Diak (TOMAK) segunda fase nian iha Municipio Baucau. encontro socialização ne’e realiza iha Salão Diocesana São José, Vila Antiga, Baucau.
Iha evento socialização ne’e hetan participação hosi partes relevantes hotu hanesan: Country Director CRS iha Timor leste, Delegação do Presidente Autoridade Muncipio de Baucau, Ministério Agricultura e Pescas Nacional no Municipal, Direção Saúde Municipio Baucau, Delegação TOMAK hosi Australia, Director Programa TOMAK iha Timor leste, Administradores dos Postos, Chefes dos Sucos, organização Sociedade Civil sira nebe hamahan an iha AOB.
Programa TOMAK ne’e programa ida nebe hetan apoio fundo hosi Governo Australiani (DIFAT) hodi implementa iha Municipio Baucau, ba posto Administrativo 6 iha suco 16. Programa ne’e ho nia duração ba tinan 4 nia laran, hosi 2023-26. Programa ne’e sei foca liu iha progama Agricultura integrado. Programa sei fornece formação no treinamento barak ba comunidade agricultores rurais sira hodi hasae sira nia conhecimento, hasae sira nia produção hodi atinge sustentabilidade ba moris saudavel no digno. Eq CDB.DMCS-DB